كنت نزلت قبل كدة نصيحة بخصوص صور بلوجر والحمد لله اتاكدت ان معلوماتى لسة بخير بعد ان وجدتها فى اكثر من موقع اجنبى بيشرحها وانا شغال كدة على طول
هما بيسموها منع تشويش الصورة ( اختيار الحجم الاصلى ) هو الافضل لدقة الصوره المرفوعة من الجهاز على المشاركة مباشره
مقاسات الصور فى بلوجر حسب عرض المقاله
لو المدونه فيها سيدبار جانبى يبقى المقاس 640×480 او 500×500
لو المدونه بدون سيدبار وبالعرض الكامل يبقى المقاس 1280×720 او 960×640
الاختيارات المتاحة الاخرى هى ( صغير - متوسط - كبير - كبير جدا )
تجعل بعض التشويش ويبوظ دقة الصورة الاصلية
فاذا كنت ترى ان مقاس الصورة الاصلى غير مناسب لعرض المقاله وبتغير الدقة والعرض بعد رفعها فالافضل هو ظبط عروض الصورة قبل الرفع واختيار الحجم الاصلى لها لكى تعطى دقة طبيعية للصورة بدون تشويش
ثانى شىء ان بلوجر بيطلع لكل صورة 2 روابط
رابط مباشر قابل للنقر علية لفتح الصوره + الرابط الاصلى للصورة التى تظهر للزائر ويتم الاستعانه بها فى محركات بحث الصور عند البحث عن كلمة بحث معينه
اللى يهمنا هنا هو رابط الصوره نفسها الذى يظهر للزائر ويظهر ايضا فى بحث الصور ونقدر نلغى الرابط الزياده ده بالضغط على اوبشن ( رابط ) الموجود ضمن اعدادات المقاله
تضغط على الصوره ثم تضغط على كلمه رابط مره واحده ستلغى هذا الرابط
ثالث شىء تغيير صيغه الصوره اى كان امتداد الصوره الى صيغه webp
باضافه هذا المعامل الى رابط الصوره
عند اختيار الحجم الاصلى هيكون معامل الدقة كده /s1600/
هتزود معاها المعامل ده الخاص بتغيير الصيغه + معامل التخزين المؤقت 90 يوم هيبقى النهائى بالشكل ده
/s1600-rw-e90/
هذه الحركات فى صور بلوجر هتضمن تحسين الصور مع الحفاظ على الجوده الاصلية وايضا تمنع فتح الصور عند النقر عليها او محاوله سرقتها
هتتعب شوية اه لكن فى الاخر هتلاقى صورك ممتازة ولا يوجد بها اى مشكله
ليست هناك تعليقات
إرسال تعليق